देशैभर तिहारको झिलिमिली

काठमाडौँ । कार्तिक कृष्ण त्रयोदशीदेखि सुरु हुने हिन्दुहरूको दोस्रो ठुलो चाड तिहारका अवसरमा देशभर तिहारको झिलिमिली छाएको छ ।

तिहारमा घर तथा कार्यालय सरसफाइ गरी झिलिमिली बत्तीले सजिएका छन् । तिहारले काठमाडौँ उपत्यका झिलिमिलीमय बनेको छ । उज्यालोले घरबाहिरको वातावरण उल्लासमय बनेको छ ।

यस्तै आज घर सफासुग्घर र लिपपोत गरी दीपावली गरेर लक्ष्मीलाई आमन्त्रण गरिएको छ । प्रत्येक वर्ष कार्तिक कृष्ण त्रयोदशीदेखि कार्तिक शुक्ल द्वितीयासम्म मनाइने हिन्दुको दोस्रो ठुलो चाड यमपञ्चक अर्थात् तिहार मंगलबारदेखि सुरु भएको हो ।