गाली गलौज गर्ने मन्त्रीलाई पार्टीले छानविन गर्ने

काठमाडौ । नेकपा (एकीकृत समाजवादी) पार्टीले संस्कृति, पर्यटन तथा नागरिक उड्डयन मन्त्री प्रेम आलेको अश्लिल गालीले भरिएको अडियो–भिडियोको सत्यतथ्य जाँच गर्ने भएको छ ।
मन्त्री आलेले भारतमा बस्ने एक व्यक्तिलाई आफ्नो बारेमा नेगेटिभ कमेन्ट भन्दै टेलिफोनमा अश्लिल गाली गरेको अडियो–भिडियो सार्वजनिक भएको थियो । अडियो– भिडियोमा मन्त्री आलेले एक व्यक्तिलाई अश्लिल गाली मात्र होइन अपहण गर्ने धम्की समेत दिएका थिए ।
अडियो–भिडियोको सत्यतथ्य बुझेपछि उनीमाथि कस्तो एक्सन लिने भन्ने पार्टीले निर्णय गर्ने नेकपा समाजवादी पार्टीका एक नेताले बताए। आले एकीकृत समाजवादी पार्टीको तर्फबाट मन्त्री बनेका हुन् ।