सन्दीप लामिछानेले बनाए विश्व कीर्तिमान

काठमाडौँ । नेपाली क्रिकेटका कप्तान सन्दीप लामिछानेले कीर्तिमान कायम गरेका छन् । कीर्तिपुरको त्रिवि क्रिकेट मैदानमा जारी एकदिवसीय अन्तर्राष्ट्रिय क्रिकेटमा उनले आफ्नो ५० विकेट पूरा गरी कीर्तिमान राखेका हुन् ।
पपुवा न्यु गिनी (पीएनजी)विरुद्धको दोस्रो अन्तर्राष्ट्रिय क्रिकेट खेलमा उनी एक दिवसीयतर्फ ५० विकेट लिने पहिलो नेपाली खेलाडी बनेका हुन् ।
सन्दीपले कूल २२ खेल खेल्दै ५० विकेट पूरा गरेका हुन् । उनी एक दिवसीय अन्तर्राष्ट्रिय क्रिकेटमा सबैभन्दा चाडो ५० विकेट लिने दोस्रो खेलाडी बनेका छन् । पहिलो श्रीलंकाका अजन्था मेन्डिसले १९ खेलमा सबैभन्दा छिटो ५० विकेट लिएको कीर्तिमान रहेको छ ।