उम्मेदवार टुगो लगाउन कांग्रेसको केन्द्रीय समिति बैठक आज बस्दै

काठमाडौं । स्थानीय चुनावका लागि उम्मेदवार टुंगो लगाउन नेपाली कांग्रेसले केन्द्रीय कार्यसम्पादन समितिको बैठक आज बस्दैछ ।बिहान ११ बजे सानेपास्थित पार्टी केन्द्रीय कार्यालयमा बैठक तय भएको मुख्यसचिव कृष्णप्रसाद पौडेलले जानकारी दिएका छन् । शुक्रबार दिउँसो बस्ने भनिएको बैठक आज विहानको लागि सारिएको थियो ।

बैठकमा स्थानीय तह चुनावका लागि पार्टीबाट उठाउने उम्मेदवार र महानगरको उम्मेदवार टुगो लगाउने बारे छलफल हुने उनले बताएका छन् । सत्तारुढ गठबन्धनमा कांग्रेसलाई महानगरतर्फ ३ र ७ वटा उपमहानगरको प्रमुख भागमा परेको छ ।