नेप्सेमा आज १ करोड ७९ हजार ९ सय ५८ दशमलव ९३ कित्ता सेयर सूचिकृत

काठमाडौँ । नेपाल स्टक एक्सचेञ्ज मा आज (बिहीबार) एक कम्पनीको बोनस सेयर सूचिकृत भएको छ । स्टकका अनुसार नेपाल लाइफ इन्स्योरेन्स कम्पनी लिमिटेडको १४ प्रतिशत बोनस बापतको १ करोड ७९ हजार ९ सय ५८ दशमलव ९३ कित्ता सेयर सूचिकृत भएको हो ।

कम्पनीको चैत्र २१ गते सोमबार सम्पन्न भएको २१औं वार्षिक साधारण सभाले सेयरधनीहरुलाई चुक्ता पूँजीको १४ प्रतिशत बोनस सेयर तथा प्रति सेयर रु.०.७३६८(कर प्रयोजनका लागि) नगद लाभांश वितरणको प्रस्ताव पारित गरेको थियो ।