सुनसरीमा एकमहिने सिरुवा मेला शुरु

काठमाडौं । सुनसरी सदरमुकाम इनरुवासहित विभिन्न स्थानमा लाग्दै आएको एकमहिने ‘सिरुवा’ मेला शुरु भएको छ ।

नयाँ वर्षको आगमनसँगै सुनसरीको विभिन्न स्थानमा गरेर एक महिनासम्म लाग्ने जिल्लाकै पौराणिक एकमहिने सिरुवा मेला सुरु भएको हो । इनरुवा–६ मधेशबाट सुरु भएको यो मेला जिल्लाका विभिन्न स्थानमा लागेर मोरङमा समापन हुने गरेको छ । २००७ सालको क्रान्ति र झोडा फँडानीपछि एकमहिने मेला लाग्दै मोरङमा गएर समापन हुने स्थानीय बासिन्दाहरुको भनाई रहेको छ ।

एक महिनासम्म प्रत्येक ठाउँमा बिहान ८ बजेदेखि लाग्ने यो मेला साँझ अन्त्य गरिन्छ । अर्को दिन पुनः अर्को ठाउँमा लाग्ने गर्दछ ।