एभरेष्ट महिला भलिबल लिगमा उपाधिका लागि ललितपुर र कर्णाली भिड्दै

काठमाडौं । एभरेष्ट महिला भलिबल लिग ईडब्लूभीएलको उपाधिका लागि शनिबार ललितपुर क्विन्स र कर्णाली यश्विस  भिड्दैछन् । 

यी दुईबीचको खेल त्रिपुरेश्वरस्थित राष्ट्रिय खेलकुद परिषद, राखेपको कभर्ड हलमा अपराह्न साढे ५ बजे शुरु हुनेछ । कर्णालीअपराजित यात्रामा छ । उसले लिग चरणका सबै पाँचवटा खेलमा जित निकालेर १३ अंक जोडेको छ । 

उसको प्रतिद्वन्द्वी ललितपुर क्विन्सले भने पाँचमध्ये ३ खेलमा जित निकालेर १० अंक जोडेको छ । समान तीन खेलमा जित निकालेकोकाठमाडौं स्पाइकर्सलाई एक अंकले पछि पार्दै ललितपुरले फाइनल भिडन्त पक्का गरेको हो । यो खेलमा कर्णाली अपराजित यात्रालाईनिरन्तरता दिँदै उपाधि चुम्ने लक्ष्यमा हुँदा ललितपुर क्विन्स भने अघिल्लो हारको बदला लिने लक्ष्यमा हुनेछ । 

नेपालको पहिलो फ्रेन्चाइज भलिबल प्रतियोगितामा सहभागी ६ टोलीमध्ये काठमाडौं तेस्रो स्थानमा रहेर प्रतियोगिताबाट बाहिरियो भनेचितवन शक्ति र गण्डकी चौथो र पाँचौ स्थानमा रहे । सबै खेलमा पराजित भएको मधेश युनाइटेड भने अंकविहीन रहँदै प्रतियोगिताबाटबाहिरिएको छ ।